Eg treng tid til å sakna deg - dikt

Storesyster forsvinn. Attende sit veslesystera med sakn, sorg, minner. Eg treng tid til å sakna deg handlar om syskenkjærleik, men òg om kjærleik i andre former og relasjonar. Det handlar om å leve gjennom minnet om systera, i ein sorgtilstand der trivielle ting får eksistensiell storleik. Det handlar om tid, om å oppleve at skiljet mellom fortid og notid opphøyrer, at minnebilete og notidshendingar blir like nære og reelle. Charlotte Riise sine dikt spenner frå det ordknappe og poetisk konsentrerte til det meir prosanært forteljande. Eg treng tid til å sakna deg kan lesast både som ei samling dikt og som ei fragmentert forteljing.