Gjer deg mjuk. Smyg deg inn .; i sansinga og det sanselause, smyg deg inn i livet. For det er sjølve livet Hans Sande si nye diktsamling måler krefter med: mennesket sitt livsløp frå fødselsskriket til det siste stille andedraget. Og slik sjølve livet er det, er denne diktsamlinga mangfelt og rikt på overraskingar. Her er dikt ein kan kjenne seg att i og dikt som opnar for noko heilt ukjent, her er dikt ein kan le av og dikt ein kan uroast over. Her er dikt som gir glimt av menneskelege innsikter i møtet med det enkle og konkrete, og her er dikt som tumlar med dei heilt store spørsmåla i tilveret. Her er overskot og livsglede, humor og absurditetar, her er vakre poetiske bilete og grå sorg og eit nådelaust medvit om det endelege.
