«HER» er niande diktsamling til Oddbjørn Aardalen. Igjen blir vi med inn i naturen: Skogen med vatn, myrer, fuglar, dyr, blomar og insekter. Inn i sjølve livet. «HER» er ei open dør til draumen, ofte med sterke innslag av symbolisme og der ein barnsleg fantasirikdom følgjer oss gjennom boka.
Oddbjørn Aardalen, født 1944, er forstkandidat frå NMBU, 1970. Han har tidlegare gjett ut åtte diktbøker og har vore Månadens poet på Diktkammeret. no ni gonger, siste gong i august 2023 med diktet «Biografi». Han har skrive dagbok sidan 1953. Aardalen har dikt i seks diktantologiar. Han har fleire «topp 3» plasseringar i internasjonale haiku-konkurransar. Oddbjørn Aardalen er gift med Kari, har to barn og tri barnebarn. Kari og han bur i dag på slektsgarden Skjervedal i Vennesla.
