Krysset er alltid ledig - Norge kan vinne VM – og andre dikt

Då det norske herrelandslaget kvalifiserte seg til fotball-VM i 2026, braut det fram ei glede som minte Alf Kjetil Walgermo om ungdomstida si på 1990-talet.

I denne diktsamlinga vev han saman moderne fotballhistorie med trådar frå norsk visjonsdikting og forfattaren si eiga livshistorie.

Dei leikne dikta opnar for jubel, spenning, nederlag og sigrar, og ber samtidig med seg eit eksistensielt alvor. Viktig er også den lysskapande funksjonen fotballen har i ei verd som iblant kan vere mørk.

Walgermo er sjølv ein del av Forfattarlandslaget og har spelt ei rekke kampar med flagget på brystet. I dikta møter du ei rad andre kjente namn, frå Rune Bratseth og Kjetil Rekdal til Martin Ødegaard, Antonio Nusa og Erling Braut Haaland.