Kunstnarsjel i morgonljos

«Kunstnarsjel i morgonljos» er ei stemme frå bygda som ikkje held seg for god til å ause vatn or eit synkande skip – eller invitere sjølvaste nordavinden inn døra.
Mona Lisa Høibø Golebiowska skriv på eit talemål ein nesten kan kjenne lukta av kaffi og skogluft gjennom. Her er spelemannen som kappast med morgonen om å få ned siste tonen før han glepp, løvetanna som pressar seg opp gjennom asfalten, og kvinna som endeleg bles ut ljoset og legg fingrane saman slik mor lærte ho. Diktsamlinga går tett innpå tru, tap og det å stå att åleine – og finn, gong på gong, at morgonljoset kjem att, same kor mørk natta var.
Ei bok om alt det som held oss oppreiste: trass, kaffikoppar, bøner ved kjøkkenbordet, og eit ljos som nektar å sløkkast heilt.

Mona Lisa Høibø Golebiowska (f. 1984) bur i Heddal, er gift og har fem born. Ho byrja å skrive i tenåra, og har alltid vore fascinert av natur, historie og dei mange kjenslene og nyansane i livet. Dette er hennar første diktsamling.