Denne boka har blitt til i samarbeid mellom mor og dotter. Mor, Gurid Bergem, har skrive dikta. Dette er dikt som seier mykje med få ord, og er lette å kjenne seg att i. Fotografia til dotter Åsa Bergem, gir etterklang og varleg følgje til dikta.
Gurid Bergem (f. 1947) voks opp i Tingvoll på Nordmøre. Som 20-åring flytta ho til Oslo, og bur no i Drøbak. Ho er utdanna bibliotekar og psykolog, og har meir enn 30 års praksis som terapeut. Ho hadde sine første dikt på trykk i Norsk Barneblad som 11-åring. Mjukt er hennar første diktsamling.
Åsa Bergem ( f.1978 ) voks opp i Oslo. Ho bur framleis i hovudstaden, der ho arbeider som fotograf i eige fotostudio. Ho er ofte å finne i andre land, streifande omkring med kameraet sitt, på jakt etter nye eventyr og bilder.
