Sirkelsong

Livet går i sirklar – i pust og puls, i møte og farvel. I Sirkelsong flettar barndomsminne seg saman med kjærleik, tap og stille sakn. Døden ligg som ein dempa tone gjennom samlinga, medan humor og varme bryt ljoset inn. Dette er dikt som opnar rom for ettertanke – om minna me ber, og dei me ein dag må sleppe.

Linn Christine Nævdal (f. 1987) er forfattar og sjukepleiar. Ho er oppvaksen i Lindås utanfor Bergen og busett i Narvik med sambuar og to hundar. Nævdal debuterte i 2020 med diktsamlinga Hev ditt blikk. Ho har òg skrive ulike samfunnsengasjerande kronikkar i både tidsskriftet Sykepleien og magasinet Blikk. Sirkelsong er hennar andre diktsamling.