Slik går det med kjærleiken

I stigande grad vert Ruth Stone (1915-2011) rekna blant dei viktigaste og mest originale amerikanske poetane i førre hundreåret. Det er ikkje lett å setje henne i bås, ho levde diktarlivet sitt utanfor institusjonen og bortanfor grupperingane. Smerte og slit fekk prege henne, men stemma hennar vitnar òg om overskot og stor livsglede. Dikta er interessante og opne, og gjennom å søkje sanninga kjem dei nær det gåtefulle ved tilværet.