Under kirsebærtreet

Poesiens vegar kan stundom vere uransakelege. Vi kjenner alle den fripostige skalden som utan omsveip formidlar sine verk til eit stort og ihuga publikum. Innimellom kan likevel også dei meir lågmælte røystene tale til oss med dei vakraste ord og vendingar. Slik som Oddbjørn Hauge. Då Oddbjørn Hauge gjekk bort, let han nemleg etter seg to hefter med poesi som berre dei i næraste familie visste om. Hauge var overlege i radiologi ved Molde sjukehus. Under kirsebærtreet inneheld heimstaddikting med minne frå barndom og oppvekst, visdomsord, naturskildringar og tekstar om liv og samliv. Forfattaren tar oss også med på reiser ut i verda, samt inn i attlatne rom i legeyrket, heile tida i eit lett og ledig, men også pregnant og treffande språk.