5
.Eg kom ikkje heim før det vart natt. [gir] noko langt meir enn ei fin lesestund. Den er viktig. Den gjer at eg føler med og får respekt for både Agnar i hans verd, og nærståande som gjer sitt beste for å gi omsorg i travle dagar. [.] «Det er vanskeleg å tenke seg nokon betre til å skildre ein klok, men dement manns liv og verd enn nettopp ein lyrikar og psykiater med Rusets gode penn og faglege innsikt.»
- Marit Heiene, Romsdal Budstikke
.eg måtte lese ferdig boka før eg kunne gå og leggje meg. Rett og slett fordi den greip meg så sterkt, på fleire plan. Eg trur muligens .Eg kom ikkje heim før det vart natt. har gjort meg til eit litt klokare menneske .
- Britt Ingunn Maurstad, Storfjordnytt
Det som gjer boka til noko langt meir enn ei trist og trasig beretning om demens, er den rusetske humoren som overrislar mest kvar side i romanen. Eg vil påstå at nettopp det er den viktigaste sida ved forteljinga.
- Jostein Sæbøe, Litteraturkritikar
Med kløkt og innsikt skildrar Arne Ruset ein demenssjuk person frå innsida, slik at lesaren kan forstå og læra. Boka er endåtil underhaldande, utan at det på nokon måte går ut over alvoret i teksten.
- Odd W. Surén, Dag og Tid
