Ei natt i Nordmarka

Ein sommardag dreg ein far med seg dei to barna sine på overnattingstur i Nordmarka. Det er meldt fint vêr, og dei pakkar sekkane og set seg på syklane. Utflukta vil gjere dei godt, sjølv om faren ikkje har vore seg sjølv i det siste.

Men heller ikkje skogen er som han bruker å vere. Vegane er brattare, trea høgare, vatna djupare og stiane har delvis forsvunne. Og så er det den framande i hytta like ved, han som ikkje lèt dei vere i fred. Snart er natta på veg, og mørket trengjer seg på. Det gjer også den framande.

Ei natt i Nordmarka er ei urovekkande forteljing om frykta for eins eigne svakaste sider. For kva skjer når det du må beskytte barna dine mot, er deg sjølv.