Kompleks og spanande ... Ei urovekkjande novelle skisserer eit liv i ferd med å krakelere … Handlingsforløpet er fortetta, plotet er snedig … det er i denne uvissa krafta i novella ligg. Snakkar vår mann sant? Kva hende? Kvifor? Kor sant er eit minne? Er i det heile teke forteljaren til å lite på? Sanningsgehalten krakelerer etter kvart i den 74 sider lange novella Oddmund Hagen turnerer så stilsikkert og elegant …
- Anne Schäffer, Dag og Tid
Som lesar er ein ikkje der for å døme nokon. I staden er ein der for å kjenne trykket i teksten og følgje svingane i det stilsikre, men likevel levande og lunefulle språket til Hagen, der lange, medvitsstyrte setningar kan skifte frå handfaste gjerningar og skuldingar til meir svevande refleksjonar i ei vending. Det gjer novella engasjerande både som ei forteljing om hemn og skuld og truverd, og som ein slags fabel om utviklinga i Bygde-Norge.
- Eivind Myklebust, Klassekampen
