Korte meisterverk

Gaute M. Sortlands nye kortprosasamling handlar om livstrøytte norsklektorar, oppussing og ei pedagogisk førebuing på døden. Om den umoglege oppgåva å skrive dikt, livsglede, ei ekteseng full av steinar, og innrøykte litteratar. Små søner, varme sommardagar, tvil, tru og brå erkjenningar. I Korte meisterverk får vi servert både meir klassiske noveller og stramme korttekstar.

Gaute M. Sortland (f. 1980) debuterte med romanen Johan i 2009, og er også kjend som songar og musikar i Bergen Mandolinband. Sortland har skrive bøker for både ungdom og vaksne.