Påskebodskap

Eit lite kammerspel av ei forteljing. I tema er det likskapar med Tusten i Fuglane av Vesaas, men metoden er ein annan. Der Vesaas antyder, går Sæter rett på sak. Vi møter den 38 år gamle Joss, mora hans, broren Sigmund og kjærasten hans, den 18-årige Velaug. Heile livet har Joss som veik handikappa vore hjelpelaust avhengig av mora. Han vert forelska i Velaug, og i seg merkar han erotiske krefter og draumar som tvinger han til å velje: han vil flytte frå mor si.