Skrifter i samling. Bd. 10 - artiklar og essay 1 : 1871-1890

Dette bandet inneheld eit utval av dei artiklane Garborg skreiv frå 1871 til og med 1890. Dei er ordna kronologisk og viser i første rekke bladmannen og stridsmannen Arne Garborg. Vi følgjer han frå programartikkelen Til læserne i lærarbladet Seminaristen, og til han nitten år seinare skreiv sitt djuptpløyande essay om brytninga mellom naturalisme og ny-idealisme. Her finn vi òg dei kjende artiklane om PEER GYNT og HANNA WINSNES. KOGEBOG.
ARNE GARBORG (1851-1924) vart fødd i Time på Jæren og opplevde tidleg krisa som følgde overgangen frå naturalhushald til pengehushald. Heile livet var han blant dei fremste kulturkritikarane i landet, og var blant dei få som klarte å leve av å skrive. Han høyrer til blant våre fremste romanforfattarar, han var lyrikar og dramatikar, journalist, kritikar, polemikar og mykje meir. Han produserte til saman over to tusen essay og artiklar om litteratur, språk, filosofi, religion og politikk.