Utyske

På garden Stormoen merker dei godt at det er krig. Tyskarane har tatt halve huset og styrer den store militærleiren i bygda frå finstova. Odelsjenta Synnøve blir oppmoda til å gjengjelde interessa obersten Hugo viser ho.

Nedi vegen driv Sveinung sauegarden etter at faren blei drept i bombinga av Namsos. Han blir stadig meir uroa over venninna Synnøve.

Sjølv kunne han aldri falt for ein soldat, meiner han. Det er heilt til han møter Mario. Brått er begge ungdommane involverte med kvar sin tyskar.

Offiserane planlegg ei framtid med tysk industri i bygda. Men Tyskland er i ferd med å tape krigen. Fleire er på sporet av Sveinung og Mario, og Synnøve søker desperat ein veg ut. No må dei gjere det rette - før det er for seint.

Utyske er ei stor forteljing om umogleg kjærleik mellom nordmenn og tyskarar.