Politikk og menneskerettar er eit stort og spennande fagområde, og det omfattar tema som alltid er like aktuelle. Kven gjer kva i norsk politikk? Korleis kan vi skaffe oss politisk innverknad? Kven styrer den internasjonale politikken? Dette er berre noko av det forfattaren tek opp til diskusjon. Denne boka er skriven for programfaget Politikk og menneskerettar innanfor programområdet språk, samfunnsfag og økonomi. Ho tek for seg både norsk og internasjonal politikk, og menneskerettar i praksis og verdigrunnlaget deira. Kvart kapittel blir innleidd med ingressar som viser kva som er hovudtema, og kva for sentrale spørsmål som blir tekne opp i teksten. Boka er utstyrt med ei rekkje kontrollspørsmål, i tillegg til oppgåver av ulike typar og ulik vanskegrad. Ut frå mange års undervisningserfaring har forfattaren lagt stor vekt på å finne ein god balanse mellom ei faktaprega og ei problematiserande framstilling. Erik Sølvberg har vore rektor ved vidaregåande skolar i ei årrekkje. Han har vore involvert i læreplanarbeid for ulike samfunnsfag og har skrive mange lærebøker.
