Frå null til no - roman

Det er Jo som talar i denne boka. Ho er fotballtalentet, skolelyset, lærardottera som aldri har sett far sin, og som gjer alt ho kan for å leve opp til forventningane frå mora. Jo er seksten og skulle ha vore elev på vidaregåande, men no har livet gått i stå for henne. Ho et ikkje. Frå rommet sitt på ein institusjon tenkjer ho gjennom livet sitt og prøver å samle krefter til det ho veit ho må gjennomføre: eit oppgjer med mor si. Frå null til no er ei historie om løgner som går i arv, om tre generasjonar kvinner og om å bli eit heilt menneske.