Katten til Ivar Aasen møter hunden frå Baskerville - (og andre dikt)

Ei ellevill samling dikt for barn, men òg ei bok for vaksne! Identitetsspørsmål, eksistensiell kjennskap og den uendelege fridommen er nokre av dei tinga det blir skrive om. Lesaren vil glede seg over dei morosame og overraskande påfunna til forfattaren, med språkleik og nonsenspreik. At forfattaren sjølv har illustrert boka i same ånd som han har dikta, gjer ikkje boka mindre tiltrekkjande! Ragnar Hovland (f. 1952) har sidan debuten gitt ut meir enn 30 bøker innanfor alle sjangrar. Mange av bøkene hans er omsette til andre språk, og han har fått fleire litterære prisar i inn- og utland, mellom anna Brageprisen og Kritikarprisen.