Almanakk for Noreg har eksistert sidan 1644 og har i fleire hundre år vore umissande i norske heimar.
2019-utgåva inneheld all den viktige informasjonen som trufaste lesarar er vane med å finne, og dessutan ny informasjon som er lagt til dei siste åra. Blant innhaldet kan nemnast kalendarium med merkedagar, soloppgang og solnedgang, plansjar over solhøgd i ei rekkje norske byar, oversikter over astronomiske tilhøve med planetkart og plansjar over når planetane er synlege, reglar for jakt, fangst og fiske, ei minneliste og oversiktskalender for dei næraste åra.
Temaartikkelen i år, 1319 - byrjinga på slutten for norsk sjølvstende, er skriven av doktorgradsstipendiat Ole-Albert Rønning ved Universitetet i Oslo. Her finst òg ein artikkel om solaktiviteten av professor Luc Rouppe van der Voort ved Universitetet i Oslo.
