Junior scoop 4 - English textbook

Junior Scoop er eit engelskverk for 1. til 4. klasse. Her møter elevane det første framandspråket gjennom leik og aktivitet - og ikkje minst humor. Med lytting, herming, spel, song, leik og annan aktivitet tek barna opp grunnleggjande frasar, ord og uttrykk. Junior Scoop 4 Textbook legg vekt på samspelet mellom lærar og elev og gir struktur til innlæring av nye ord og uttrykk. I Junior Scoop 4 Textbook finn ein ulike sjangrar som fakta, dialogar, dikt og songar i tillegg til utdrag frå kjend barnelitteratur frå engelsktalande land. Boka legg opp til mykje arbeid med å lese og forstå tekstar. Elevane skal forstå ut i frå samanhengen meir enn å forstå kvart enkelt ord. Dette er i tråd med nasjonale prøver. Elevane kan trene på å finne meiningsberande element i tekstane dei les, slik at dei forstår hovudinnhaldet.