Narnia-draumar - roman

Frittståande framhald av "Keeperen til Tunisia", som Mæhle debuterte med for tre år sidan og fekk strålande kritikkar. Eg-forteljaren Jo er blitt 16, og fotballtalentet Arnfinn, storebror til Jos beste venn, er framleis pasient på "Klikken". Men ein annan pasient kjem til å spele ei av hovudrollene i denne fengslande romanen, der mykje står på spel for mange unge. C.S. Lewis' Narnia-bøker har gitt næring til draumar og lengslar hos dei involverte personane både den bråmodne veslesøster til Jo og fleire av vennene hans rømmer frå kvardagen og utset seg for livsfare i leitinga etter meining og ei betre verd. Den oppdikta draumeverda og den verkelege krasjar i det dramatiske sluttkapitlet.